Tsy manaiky ny fitangosana Ticket amin’ireo mpivarotra Ravololomanana Lalatiana. Nambarany fa miteraka kolikoly izany ary mandrava ny ezaka efa natomboky ny ben’ny Tanàna teo aloha, Andriantsitohaina Naina. “Sakana amin’ny digitalisation” sy ny mangarahara ary ny ady amin’ny kolikoly izany”, hoy izy tetsy Analakely, omaly.
Nanome toromarika ny mpanara-dia azy eo anivon’ny Tim Firaisankina, Ravalomanana, omaly, tany Tanambe. Nampahafantarina tamin’izany koa fa mbola kandidà, Rabekijana Solofohery. Namelona ny fanantenana ireo vahoaka tany an-toerana izany ho fanavotana ny firenena, araka ny lahateny.
Natolotra ny fitsarana ao Antsirabe, omaly, ny karatra fanarahan-draharaha “Carnet de Suivi”. Tafiditra ao anatin’ny fanatanterahana ny politikam-panjakana hiadiana amin’ny kolikoky sy ny fanatsarana ny fitantanan-draharaham-panjakana ny fampiasana izany. Hanamora ny fanatonan’ny vahoaka ny fitsarana sy ny fanafoanana ny asan’ny mpijirika ihany koa.
Nandrangaranga handray fepetra ny « Solidarité des corps à vocation administrative » raha manao bemarenina amin’ny fitakian’izy ireo ny fitondram-panjakana. “Efa ho 5 taona niandrasana amin’ny fankatoavana sy fanavaozana ny lalàna momba ny Adjoint d’administration izahay hampandehanana ny asanay, saingy voarirarira hatrany”, hoy izy ireo.
French