Raim-pianakaviana iray hita faty tao anaty rano tetsy amin’ny digue Anosipatrana, omaly. Ankizy nilalao no nahita zavatra hafahafa ka nampandre ny manodidina. Nesorina tao anaty rano ilay vatan-dehilahy izay efa tsy nisy aina intsony.
Ankizy telo lasan’ny dahalo ka natao takalonaina tao Antsenakely, Foroanarina, distrikan’Anjozorobe, ny alin’ny sabotsy hifoha alahady 24 marsa teo. Namoy ny ainy vokatry ny tifitra nataon’ireo jiolahy ny raim-pianakaviana sy ny zanany lahy tamin’io fotoana io.
Efa-dahy mpifoka rongony voasambotry ny zandary tao Andranoro, kaominina Ambohibao-Antehiroka, omaly. Nanao fisafoana teny amin’ny manodidina ny mpitandro filaminana ka noraisim-potsiny teo am-pidorohana zava-mahadomelina izy efa-dahy ireo.
Marary mafy vokatry ny fanolanana nianjady taminy ny ankizivavy iray vao 10 taona monja, tao amin’ny kaominina Sahavato, distrikan’i Nosy Varika, amin’izao fotoana. Norahonan’ilay mpanolana ny ray aman-drenin’io lasibatra io ka tsy sahy nitoroka. Nihombo ny aretin’ilay zaza, korohin’ny zandary ilay nahavanon-doza.
French