Lehilahy iray naratra mafy tsy nahatsiaro tena ka natahorana mafy ny ainy nandritra ny lozam-pifamoivoizana teo Ankorondrano, omaly maraina. Voadonan’ny moto lehibe iray nandeha mafy izy rehefa niampita tampoka. Nidina nandamina ny raharaha ny mpitandro filaminana.
Jiolahy telo lavon’ny zandarimaria tao Toliara, nandritra ny fisamborana azy ireo. Niezaka nandositra izy telo lahy ka voatifitra. Tompon’antoka tamin’ny fahafatesan’ilay vehivavy mpiasan’ny karana maty voatafika ny 25 marsa teo, tao an-toerana, izy telo lahy ireo.
Roa vavy mpivarotra rongony voasambotry ny polisy tao Tanambao Ihosy, afakomaly. Nahatrarana fonosana miisa 145 tao amin’izy izy ireo. Nilanja 2,350 kg io rongony io. Tompon-trano ny iray tamin’ireo roa vavy notanan’ny polisy ireo.
Jiolahy 13 mpanolana sady mpanafika tao Anosibe An’Ala naiditra am-ponja vonjimaika taorian’ny fampanaovana, afakomaly. Voasambotry ny zandary izy ireo, ny 29 marsa teo ka lavo ny roa namany.
French