Olana eto Madagasikara ny tsy fahampian’ny fahafantarana ny voka-pikarohana mivoaka eny amin’ny oniversitem-panjakana. Hanampy betsaka izany ny fananganana ny vovonana niomerika.
Nifarana omaly, tetsy Andrainarivo, ny atrikasa nataon’ireo mpisehatra amin’ny fikarohana eny anivon’ny Oniversiten’Antananarivo. Tafiditra ao anatin’ny atrikasa ny hananganana sy hanamboarana vovonana niomerika mahakasika ny fikarohana. “Tanjona ny hanamorana ny famoahana sy ny hampahafantarana ny voka-pikarohana eny amin’ny oniversiten’Antananarivo sy eo amin’ny sehatra nasionaly”, hoy ny filohan’ny Oniversiten’Antananarivo, Pr Ravelomanana Mamy Raoul, nandritra ny tafa tamin’ny mpanao gazety teny an-toerana. Mba hanamorana ny fidirana amin’ ny loharanon-karena sy hampiroboroboana ny fiaraha-miasa eo amin’ny mpikaroka ary hanamafy ny fijerena ireo asa fikarohana ao amin’ny oniversite no anton’izany. Nilaza izy fa hanampy amin’ny fanaparitahana ny voka-pikarohana, ho hita manerana izao tontolo izao, izany.
Mampandroso ny firenena ny voka-pikarohana
“Aman-jatony isan-taona ny voka-pikarohana mivoaka eny anivon’ny anjerimanontolo. Maro anefa ny tsy mahafantatra izany, noho ny tsy fahafampian’ny fampahafantarana”, hoy kosa ny Pr Radaniela Tondro, mpampianatra mpikaroka. Nohamafisiny fa mitana anjara toerana lehibe hampandrosoana ny firenena ny voka-pikarohana. Manampy izany koa ny fankatoavan’ny vahiny izany ka antony hananganan’ny oniversiten’Antanananarivo ny vovonana niomerika. Niaraha-nidinika ny hamaritana ny laharam-pahamehana sy hamolavolana ny fomba fiasa ilaina amin’ny fikarohana ao amin’io vovonana io. Tafiditra ao anatin’ny fandaharanasa fanohanana andrimpanjakana faharoa ity atrikasa ity. Nisy ny fiaraha-miasa amin’ny Akademia momba ny fikarohana sy fampianarana ambony (ARES) any Belgique, nahafahana nanao izany.
Mino
French