TSELATRA

Naratra nendahin’ny jiolahy ny mpivady nanao fanatanjahantena vao maraina teny By-Pass, omaly vao maraina. Mody nanao fanatanjahantena ihany koa ireo jiolahy roa nanaraka azy mivady avy ao aoriana. Naratra teo amin’ny lohany samy voadaroka izy mivady. Lasan’ireo mpanafika ny finday teny amin’izy ireo.
Lasan’ny jiolahy ny volan’ny renim-pianakaviana iray saika hakana entana teny Anosibe, omaly vao ma­raina. Teo am-pialana taxi-be no nahatsikaritra izy fa tsy hita intsony ny poketra nisy vola 3 hetsy Ar. Nilaza izy fa nisy lehilahy iray nipetraka teo akaikiny, niditra teo Anosy.
Mpandeha bisikileta iray no voafaokan’ny fiara teny Fasanikarana, afakomaly alina. Nirifatra nitsoaka avy hatrany ilay fiara nahavanon-doza. Naratra teo amin’ny tongony ilay mpitondra bisikileta. Olona tsara sitrapo no nitondra azy namonjy hopitaly.