Vita teny amin’ny rantsamangaikan’ny Ceni eny anivon’ny distrika 120 manerana an’i Madagasikara, omaly, ny antsapaka ny filaharan’ny kandidà amin’ny fifidianana depiote amin’ny 29 mey. Araka izay ny ho filaharana amin’ny biletà tokana, takela-kazo fametahana afisy, fandraisana anjara fitenenana amin’ny RNM sy TVM. Mialoha ny fampielezan-kevitra, manana dimy minitra amin’ny haino aman-jerim-panjakana eny anivon’ny distrika, ohatra, ireo kandidà: fampahafantarany ny momba azy sy ny antoko misy azy ary fanentanana ny olom-pirenena amin’ny fifidianana. 48 ora mialoha ny fampielezan-kevitra amin’ny kianja no tsy maintsy anaovana fangatahana fahazoan-dalana amin’ny rantsamangakain’ny Ceni ary ankatoavin’ny distrika izay mahafantatra ny toerana azo anaovana fampielezan-kevitra. Mba tsy hisian’ny fiaraha-mitonton’ny kandidà amina toerana sy fotoana iray izany. Efa vita ny fandrafetana ny biletà tokana; aoriana izay, hatonta atsy Afrika Atsimo izany miaraka amin’ireo antontan-taratasy amin’ny fanatanterahana fifidianana.
R. Nd.
French