Hifampitadiavan’ny mpitandro filaminana amin’izao fotoana, ny lehilahy iray nanondraka asidra ny vadiny tao Tsiroanomandidy. Tsy an’asa io lehilahy io raha toa ka miasa ao amin’ny fitsarana ao an-toerana ilay ramatoa. Nangataka hanao taratasy fisarahana anefa ramatoa rehefa nahita ny fitondran-tena tsy mendrika an’ilay rangahy. Nampiakariny tany amin’ny fitsarana ny raharaha ka tsy zakan-drangahy. Nandrasany kendritohina teo amin’ny vavahady hodiany ilay ramatoa vadiny ka notondrahany asidra ny tarehiny. Nitsoaka nandositra io lehilahy nahavanon-doza io taorian’izay. Nametraka fitoriana teny anivon’ny polisy io ramatoa lasibatra io. Ity farany izay efa manaraka fitsaboana akaiky eny amin’ ny toeram-pitsaboana. Fantatra fa efa malaza ratsy manao herisetra amim-badiny toy izao hatrany ity raim-pianakaviana ity. Maro tamin’ireo olona mpifanolobodirindrina aminy no nentin-katezerana noho ny fihetsika mamoafady nataony. Andrasana ny tohin’ny raharaha.
Tsiferana R.
French