Vita hatrany amin’ny ampatahatelony ny fanarenana ny lalam-pirenena RN 13, amin’ny ampahany Taolagnaro sy Ambovombe. Manohana ny fanamboarana izany ny Vondrona eoropeanina (UE). Nijery ny fizotry ny asa ataon’ny orinasa Colas ny minisitry ny Asa vaventy, kolonely Andrianatrehina Ndriamihaja, ny herinandro lasa teo. Mahatratra 58 km ny lalana naravona, 17 km ny efa norakofana godirao. Efa misy fiantraikany sahady amin’ny fampiasana ny lalana izany satria atao ao anatin’ny adiny 2 ora, ankehitriny, ny lalana Taolagnaro hatrany Ambovombe, mirefy 103 km.
Misasaka ny asa amin’ ny RN 12 A
Nitohy tany amin’ny fanamboarana ny lalana RN 12 A, tapany voalohany (Taolagnaro-Ebakika), mirefy 45 km ny dian’ny minisitra. Ao anatin’ny tetikasa Pact, vatsian’ny Banky iraisam-pirenena ara-bola, ny fandrakofana godirao ny tapany faharoa (Somisika – Masianaka), mirefy 35 km. Miisa 57 ny tetezana kely (dalots) hamboarina miampy ny tetezana Amboenato, mirefy 110 metatra. Efa misasaka ny asa amin’ny ankapobeny, izay ho vitaina amin’ny marsa 2025. Ankoatra izay, efa vita ny tetezana Manambondro, mirefy 220 metatra. Manatanteraka ireo asa ireo ny orinasa Consortium WIETC-SDLQ.
Njaka A.
French