Mifarana anio ny fifaninanana basikety 3×3, lahy sy vavy “Shoot out”, andiany faharoa izay natao tany Antsirabe, nanomboka ny 1 mey lasa teo. Nahavory olona maro ny fifanintsanana. Betsaka ireo sokajin-dalao natao tany an-toerana, toy ny fifaninana mibala isa telo, “Dunk”. Tsiahivina fa niarahan’ny ligin’i Vakinankaratra sy ny Federasiona malagasin’ny Basikety FMBB nikarakara ny “Shoot Out”.
Misaona ny tontolon’ny baolina kitra malagasy. Nodimandry ny sabotsy 4 mey, teo amin’ny faha 61 taonany, i Mohamed Ibrahim na i Goly Betanana, Malagasy mpiandry tsatoby. Tsiahivina fa efa nandrafitra ny ekipam-pirenena malagasy Club M izy. Maro ny klioba nolalovany, anisan’izany ny Club Pêcherie de Nosy Be, AS Sotema Mahajanga.
Voahosotra ho tompondakan’i Espagne, “La Liga”, ny ekipan’ny Real Madrid, afakomaly alina. Lavon’izy ireo tamin’ny isa 3 no ho 0 ny Cadix, tany Santiago Bernabeu. Eo amin’ny laharana faharoa ny Girona ary fahatelo kosa ny FC Barcelone. Tsiahivina fa in-36 amin’ity ny Real Madrid no tompondakan’i Espagne.
French