Manome lanja ny fifehezana tenim-pirenena vahiny, ahafahan’ireo miaramila mivelatra amin’ny sehatra maro eo amin’ny famitana iraka marolafy, ny eo anivon’ny minisiteran’ny Foloalindahy. Hanomboka rahampitso ny dingana voalohany, handalina izany ny avy eo anivon’ny Vondrona mpiaro ny Filoha, eo anivon’ny fiadidiana ny Repoblika, sy ireo miaramila mpitsabo ary mpiasa sivily ao amin’ny Hôpitaly miaramila Soavinandriana. Hanaraka ny fandaharam-pianarana miteny anglisy izy ireo mba ho fanatevenana ny fahaiza-manaony. Zava-dehibe ny fahaizana mifehy ny tenim-pirenena hafa. Tafiditra amin’ny paikady entin’ny minisitera mampitombo ny traikefan’ireo miaramila, ka manamora ny asa fiarovana izany. Toy izany koa ireo manamboninahitra ambony avy eo anivon’ny fiadidina ny Repoblika, notarihin’ny jeneraly Rasolondraibe Jean Yves, Tale misahana ny Fiarovana ny Filoha eo anivon’ny fiadidina ny Repoblika. Ny Masoivohon’i Etazonia miasa sy monina eto Madagasikara no efa mpiara-miombon’antoka amin’ity fampianarana ity.
Jean Claude
French