Tafaverin’ny mpitandro filaminana eny anivon’ny fianakaviany ny zazavavy iray 10 taona nalain’ny dahalo an-keriny, tao Beteramahamay, distrikan’Ambatoboeny, afakomaly. Nalain’ny olon-dratsy tao an-tanàna niaraka tamin’ny omby am-polony io zaza io. Nanao fanarahan-dia avy hatrany ny vatan-dehilahy tao an-tànana. Nanatevin-daharana ny mpitandro filaminana izy ireo. Vokany, nifanehatra tamin’ny mpanara-dia teny amin’ny moron’i Betsiboka ireo dahalo sy ilay zazavavy nataony takalolanaina. Tafaverina eny anivon’ny fianakaviany io zaza io. Narian’ireo olon-dratsy koa ny omby nangalariny ka nitsoaka nandositra izy ireo. Nanohy ny diany nihazo ny fokontany Antselika, kaominina Mangabe, distrikan’i Maevatanana ireo dahalo. Mitohy ny hazalambo ataon’ny mpitandro filaminana azy ireo. Naverina amin’ny tompony ireo omby 12 latsaka teny amin’ireo dahalo.
Tsiferana R.
French