Nitrangana lozam-pifamoivoizana naharatrana olona indray tao Ambatomainty, Boroborintany fahadimy, omaly tolakandro. Fiara iray nandeha mafy nidim-pidinana nifatratra tamin’ny fiara iray hafa. Nifandona teo amin’ny lohany ireo fiara roa. Potika tanteraka ireto farany. Ankilany, nisy moto scooter iray taorian’ilay fiara. Tsy nanampo na inona na inona ny mpitondra io kodiaran-droa io. Nidona tampoka taorian’ny vodin’ilay fiara ka naratra mafy izy io. Nitondra zaza niaraka taminy izy. Nentina nihazo ny toeram-pitsaboana ilay naratra. Nandamina ny zava-nisy teny an-toerana ny mpitandro filaminana. Marihina, mateti-pitranga ny lozam-pifamoivoizana vokatry ny tsy fitandreman’ny mpamily sy ny tsy fanajana ny hafangainam-pandeha araka ny tokony ho izy.
Tsiferana R.
French