TSELATRA

Olona 20 mahery naratra vokatry ny lozam-piarakodia nitranga tao Vohiparara, omaly maraina. Taksibo­rosy nitondra mpianatra niala avy any Andranomafana Ifanadiana hihazo an’i Befato no tra-doza tampoka tao Vohiparara. Nentina namonjy ny Hopitalibe CHU Tam­bohobe Fianarantsoa, ireo naratra. Mitohy, araka izany, ny fanadihadiana ataon’ny zandary.
Nifanehatra tamin’ny tompon-trano avy nivavaka ireo jiolahy nandroba tao amina tokantrano iray eny Antanimenakely Ampitatafika, omaly maraina. Tsy nampoizin’ny tompon-trano ny fisian’ireo jiolahy tao an-trano. Vavabasy avy hatrany anefa no nitsena azy ireo tao an-trano ka tsy afa-nanohitra izy ireo. Lasan’ireo mpanafika ny entana sarobidy niaraka tamin’ny vola.