Notanana vonjimaika eny amin’ny fonjan’i Tsiafahy ny lehilahy iray nanolan-jaza 13 taona, afakomaly. Raikelin’io zaza io ity nahavanon-doza ity. Nohararaotiny nanamparana ny filan-dratsiny io ankizy zana-badiny io. Tsy sahy nitoroka noho ny tahotra anefa ireo fianakaviany. Naharay fitarainana ny mpitandro filaminana fa niharan’ny fanolanana ny zazavavy 13 taona monina ao Iavoloha. “Tonga antsokosoko tao amin’ny efitrano fatoriany io raikeliny io ka nanao ny filan-dratsiny”, araka ny fanadihadiana nataon’ny zandary. Nitaraina tamin’ny reniny taorian’io ilay zaza fa nezahin’ireo olon-dehibe nafenina ilay tranga. Nentina natao fizahana teny anivon’ny toeram-pitsaboana ilay zaza lasibatra. Voamarina fa niharan’ny herisetra tokoa izy. Nanokatra ny fanadihadiana ny zandary. Vokany, voasambotra ilay raikely voalaza ho nanao ny fanolanana. Nentina natao famotorana izy. Niakatra fampanoavana ny raharaha ka izao niafara amin’ny fihazonana vonjimaika azy any Tsiafahy izao.
Tsiferana R.
French