Mpitondra scooter iray tra-doza teny Imerinkasinina, omaly. Nandeha mafy, tsy nahafehy ny familiana tampoka io lehilahy io. Vokany, nidaraboka tamin’ny tany ny moto. Naratra mafy ny faritry ny tavany sy ny lohany. Tsy nisy aina nafoy.
Zazamenavava efa tsy nisy aina intsony no hitan’ny fokonolona nisy nanary tao ambany tetezana tao amin’ny fokontany Antafiampatsa, kaominina Antsohihy, afakomaly. Niniana novonoina io zaza io ka nariana. Nitily ny razana ny mpitsabo. Mandray an-tanana ny fanadihadiana ny polisy ao an-toerana.
Niara-notanana vonjimaika any am-ponja ireo roa lahy nangalatra posiposy tratran’ny fokonolona tao Verrerie, Toamasina, ny faran’ny herinandro teo. Voasambotra ny zoma teo ny iray ka nodarohan’ny fokonolona. Niantso ny namany niray tsikombakomba taminy io mpangalatra io ka niara-voatazona izy roa lahy.
French