Tanterahina eny amin’ny Alliance Française d’Antananarivo (AFT) Andavamamba, nanomboka omaly hatramin’ny 8 jona 2024, ny fampirantiana iarahana amin’i Riri, Malagasy mpanao tantara an-tsary. « Pejy maizina », io no lohatenin’ny tantara an-tsary miranty eny amin’ny AFT Andavamamba. Tsiahivina fa tafiditra ao anatin’ny hetsika “Semaine de la Bande Dessinée” ity fampirantian’i Riri ity. Ankoatra ity fampirantina ity, ahitana fifaninanana sy atrikasa ary velakevitra mahakasika ny tantara an-tsary ihany koa eny an-toerana. Tanjona ny fampivelarana sy fampiroboroboana ny tontolon’ny tantara an-tsary eto Madagasikara.
Anisan’ny misantatra ny « Semaine de la Bande Dessinée », ny fampirantianan’i Riri. Sary miisa 46 no miranty eny an-toerana. Raha fintinina fohy ity tantara an-tsary ity, niainga tamin’ny zava-nisy marina, maneho ireo fanontaniana saro-balina manodidina ny herisetra mifototra amin’ny mahalahy sy ny mahavavy.
Ankoatra izay, anisan’ny nandrasan’ny mpankafy tantara an-tsary ihany koa ny velakevitra iarahana amin’i Rolling Pen sy Catmouse, Malagasy anisan’ny sangany sy manana ny lazany hatrany ivelany eo amin’izany fanaovana tantara an-tsary izany.
Lin
French