Farakely etsy amin’ny Chez Pitou Behoririka. Tsikaritra tato ho ato fa nisesy isan-kerinandro ny “cabaret” tao amin’ity toerana ity, taorian’i Lati, hanafana ny fotoana anio alina indray i Farakely sy ny mpitendriny. Hitondra ireo sanganasany be mpankafy, fa hanolotra ihany koa ireo hirana mpanakanto hafa izay ankafiziny i Farakely.
Ry “…zandriny”, etsy amin’ny Piment Café. Vao miteny hoe Tolotra, Ony, Nary ary Dougl, dia fantatra ho azy ny ankamaroan’ny hira alahatra. Be mpitady ka hiverina etsy amin’ny Piment Café Behoririka indray ry zalahy, anio manomboka amin’ny 8 ora alina. Ankoatra ny hiran’ny tarika Mahaleo, manao sanganasana tarika hafa ihany koa ry zalahy.
“Takariva an-jaridaina”, iarahana amin’i Rija Ramanantoanina. Anio manomboka amin’ny 8 ora alina ny fotoana iarahana amin’ity mpanakanto ity, eny amin’ ny Le jardin de Masha, By Pass. Fotoana sy toerana natokana ifanakaikezan’ny mpanakanto sy ny mpankafy izy ity, raha ny tanjon’ny mpikarakara. Hamerenan’i Rija sy ny mpitendriny indray ireo hiram-pitiavana tsy tontan’ny ela.
French