Renim-pianakaviana iray naratra nodarohan’ny adala teny Anosibe Tsena, omaly atoandro. Tsy nanampo na inona na inona ilay niharam-boina tamin’io fotoana io. Avy niantsena izy ka teny an-dalana hody no nifanehatra tamin’ity adala ity. Naratra mafy izy ka voatery nentina namonjy toeram-pitsaboana. Lasa nitsoaka ilay adala.
Omby miisa 80 indray lasan’ny dahalo nirongo basim-borona sy lefona tao Antseva, kaominina Ankililaoka, distrika Toliara II, afakomaly. Nahazo antso ny zandary ka nanao ny fanarahan-dia. Tsy mbola nisy tratra ireo malaso saingy mitohy kosa kosa ny fanenjehana ireo dahalo.
Lavon’ny balan’ny Tafika ny iray tamin’ireo dahalo nanafika tao Androtsy, fokontany Anjiabe Antsalova, afakomaly. Nanafika fianakaviana iray tao amin’io tanàna io ireo malaso ka nitsoaka avy hatrany. Nifanehatra tamin’ireo Tafika mpampandry tany anefa ry zalahy ka raikitra ny fifandonana. Maty voatifitra i Avimana, lehiben’ny dahalo raha naratra kosa ireo namany.
French