TSELATRA

Fiara starex sy 4×4 iray nifandona teny Anjohy, anatin’ny biroborintany faharoa, omaly tolakandro. Nisedra olana teknika ilay fiara starex ka antony niteraka ny fifandonana araka ny fanazavana voaray. Tsy nisy aina nafoy saingy nisy ny naratra.
Zazavavy telo taona maty kilan’ny afo tao Ambo­dimadiro, fokontany Anosikely avaratra, kaominina Maeva­tanana, ny alin’ny alatsinainy 10 jona teo. Nifamaly ny ray aman-dreniny ka tavela tao an-trano izy sy ny zokiny lahy 9 taona. Nirehatra tampoka ny trano. Tafatsoaka teo amin’ ny varavarakely ilay zokiny saingy tavela ka hotohoton’ny afo samirery io zazavavy io.
Dahalo telo nangalatra omby tao Andakatsiefa, fokontany Manapape, kaominina Andranovao, distrikan’i Maintirano, lavon’ny zandary nanao fanarahan-dia, ny hari­van’ny 10 jona teo. Lasan’ny dahalo ny omby miisa 35 tao amin’io tanàna io. Nanara-dia ny fokonolona sy ny mpitandro filaminana. Vokany, lavo nandritra ny fifandonana ny telo tamin’ireo olon-dratsy. Latsaka ny fitaovam-piadiana toy ny basim-borona.
Fasana efatra nasesin’ny jiolahy novakiana tany Morarano Chrome, afakomaly. Nosavoritahan’ireo olon-dratsy avokoa ny taolam-balo rehetra. Ny fonosoan-damba nisy ireo vehivavy no tena lasibatra.