Notanterahina, omaly, teny amin’ny kianjan’ny Elgeco Plus, ny ampahefa-dalan’ny fiadiana ny amboaran’i Madagasikara, « Telma Coupe », taranja baolina kitra. Ny ekipan’ny Disciples FC Vakinankaratra no tafita any amin’ny manasa-dalana rehefa nanintsana ny Fosa Junior Boeny, tamin’ny isa 2 no ho 1.
Notontosaina, omaly, teny amin’ny Elgeco Plus By pass, ny manasa-dalana mandroson’ny fifaninanam-pirenena “Coca Cola Pureplay Football League” taranja baolina kitra. Nivoaka mpandresy tamin’ny isa 1 no ho 0 teo an-kianjany ny Elgeco Plus Analamanga, raha nifanandrina tamin’ny 3FB Toliara.
Tonga ny fotoana ho an’ireo mpankafy baolina kitra, hanomboka anio, ny fiadiana ny ho tompondakan’i Europa, “Euro 2024”. Hanokatra ny lalao amin’izany ny fihaonan’ny Allemagne, mpampiantrano sy i Ecosse. Tsiahivina fa i Italie no tompondaka farany, tamin’ny “Euro 2020”.
Nandresy tamin’ny isa 3 no ho 0 an’i Ghana, nandritra ny fifaninanana “Billie Jean King”, vondrona “III”, taranja tenisy, i Madagasikara, omaly. Hihaona amin’i Tunisie, ny Malagasy mpilalao rahampitso, araka ny vaovao voaray. Tsiahivina fa izay voalohany amin’ity, hiakatra eo amin’ny sokajy “II”.
French