Rongony 56 gony saron’ny zandarimaria tao amin’ny fokontany Mariany, kaominina Ampasimalemy, distrikan’i Vangaindrano, ny omaly. Nikasa hitatitra ireo zava-mahadomelina ireo ny lehilahy miisa 16. Tsikaritry ny olon-tsotra anefa izany ka nampandre ny mpitandro filaminana izy ireo. Tra-tehaka teo am-pitaterana ireo rongony tamin’ny gony am-polony ny lehilahy maromaro. Niezaka handositra avy hatrany ny roa lahy raha nahatazana ny fiavian’ny zandary. Tsy afa-nitsoaka ny 12 lahy hafa. Nosavaina ireo gony. Nogiazana avy hatrany ireo zava-mahaadomelina mahery vaika ireo. Nakarina avy any Andriry, kaominina Ivahona, distrikan’i Betroka ireo entana ireo. Nahatratra 749,36 kilao ny lanjan’ireo rongony tamin’ny gony ireo. Karohina ireo roa lahy hafa.
Tsiferana R.
French