TSELATRA

Notanana vonjimaika eny amin’ny fonjaben’i Tsiafahy, ny faran’ny herinandro teo, ilay lehilahy nanolan-jaza teny Iavoambony, kaominina Ambohimanga Rova. Nanamparany ny filan-dratsiny ny zazalahy misedra olana amin’ny fahasalamana, ny alin’ny 11 jona teo.
Gisa velona miisa 9 niampy kapa sy kiraro nafatratra tao anaty gony, niampy bisikleta roa, hitan’ny zandary mpanao fisafoana amin’ny alina tao Antsofinondry, kaominina Sabotsy Namehana, afakomaly. Ahin’ny mpitandro filaminana ho entana halatra avokoa ireo ka nentina nihazo ny birao.
Mpitondra moto iray maty tsy tra-drano nifandona tamin’ny fiara Sprinter teny amin’ny lalam-pirenena fahafito, tsy lavitra ny tetezana zazafotsy, izay 36 km miala ny tanànan’Ihosy, omaly. Nandeha mafy ilay moto ka tsy nahafehy ny familiana. Vaky loha ilay mpitondra kodiarandroa ka maty.