Narian’ny olon-dratsy tao anaty bozaka ny lakolosim-piangonana iray eny Manankasina, fokontany Ambohijatovo, kaominina Fenoarivo, distrika Antananarivo Atsimondrano, omaly. Nanao fisafoana teny amin’ny manodidina ny zandarimaria miasa ao amin’ny borigady eny an-toerana. Nahita tampoka io lakolosy io. Nentina nihazo ny biraon’ny mpitandro filaminana avy hatrany io fitaovam-piangonana io. Tsy fantatra hatreto ny toerana nangalaran’ireo olon-dratsy azy. Manao fampandrenesana ho an’ny tomponandraikitra eo anivon’ny fiangonana nitrangan’ny halatra lakolosy ny zandary ao Fenoarivo. Miroso amin’ny fikarohana ny tompon’antoka tamin’izao asa ratsy izao izy ireo.
Tsiferana R.
French