Noraisin’ny minisitry ny Fitsinjaram-pahefana sy ny fanajariana ny tany tetsy Anosy, omaly, ny solotena maharitry ny Unicef eto amintsika, i Christine Jaulmes. Voaresaka tamin’izany fihaonana izany ireo lohahevitra samihafa. Nisongadina ny momba ny sehatry ny fitsinjaram-pahefana sy ny andraikitra sahanin’ity Sampandraharahan’ny Firenana mikambana misahana ny reny sy ny zaza ity. Tafiditra ao anatin’izany ny ho fiarovana ny zon’ireo ankizy manerana ny Nosy, hatreny ifotony.
Samy naneho fahavononana ny roa tonta hiara-hiasa ho fampandrosoana izany fitsinjaram-pahefana sy ny fanajariana ny tany izany ary ny firenena manontolo.
Etsy andaniny, nisitraka kojakoja samihafa amin’izao fetim-pirenena izao na “Panier garni” ireo mpiasa eo anivon’ny minisiteran’ny Atitany, etsy Anosy, omaly. Ho fanamarihana ny firaisankina sy ny fifampitsinjovana eo amin’ny samy mpiara-miasa eo anivon’izany minisitera izany sady eo koa ny fanamarihana sy ny fankalazana ny niverenan’ny Fahaleovantena.
Tonga nanolotra izany, tamin’ny anaran’ny minisitry ny Atitany mpisolo toerana, Andriantsitohaina Naina, ny sekretera jeneraly sy ny talen’ny Kabinetra.
Nankasitraka sy nisaotra izany ireo mpiara-miasa rehetra tamin’ny alalan’ny solotenan’izy ireo nandray anjara fitenenana.
Synèse R.
French