Tselatra

Lehilahy iray tsy nahatsiaro tena rehefa voafaokan’ny fiara teny By-pass, afakomaly. Nentin’ny nanatri-maso nihazo ny hopitaly izy. Nipitika tamin’ny sisin-dalana io lehilahy io ka torana. Mpandalo no nanavotra azy ary nitondra teny anivon’ny toeram-pitsaboana.
Norasarasain’ny olon-dratsy, omby vavy bevohoka iray lasibatry ny mpangalatra ka ny taolany sisa nariany tao anaty bozaka, tao Ambohitrabiby, afakomaly. Nalain’ireo mpandroba ny nofon-kena rehetra. Matetika hitrangana halatra biby fiompy tahaka izao eny an-toerana.
Telo lahy mpanao hosoka voasambotry ny polisy teny Ivato, afakomaly. Mampiasa fitaovana hafa ireto mpisoloky ireto ka vao lalovan’izany ny “machine à sous” dia hahazoany 30 000 Ar hatramin’ny 60 000 Ar. Roa lahy tratra teo no ho eo raha toa ka nosamborina tany an-tranony ny namany.