Efa fantatra avokoa ireo firenena 16 hiatrika ny lalao ampahavalon-dalan’ny fiadiana ny ho tompondakan’i Eoropa, “Euro 2024”, taranja baolina kitra, izay atao any Allemagne. Anisan’ny fihaonana tena andrasan’ny maro, amin’izany, ny fifanandrinan’ny les Bleus France sy ny Diables Rouge Belgique, izay hotontosaina ny alatsinainy 1 jolay, ao amin’ny kianja Esprit Arena.
Mbola manala vela amin’ny ekipam-pirenena frantsay ny devolimenan’i Belgique, satria lavon’ny les Bleus, 3 no ho 2, izy ireo, ny taona 2021 lasa teo. Araka ny filaharan’izy ireo amin’ny Fifa: faharoa i France ary fahatelo i Belgique. Raha ny fikarohana natao, hifandona amin’izay tafavoaka amin’i Portugal sy i Slovenie, ny ekipa tafita amin’izy roa ireto. Tsara marihina fa hanomboka rahampitso ny ampahavalon-dalan’ny «Euro”, ka ny ekipan’i Suisse sy Italie, no hanokatra izany.
Fitia Randria
Fandaharan-dalaon’ny ampahavalon-dalana :
29 jona:
7 ora hariva: Suisse vs Italie
10 ora alina: Allemagne vs Danemark
30 jona:
7 ora hariva: Angleterre vs Slovaquie
10 ora alina: Espagne vs Georgie
1 jolay:
7 ora hariva: France vs Belgique
10 ora alina: Portugal vs Slovenie
2 jolay:
7 ora hariva: Roumanie vs Pays Bas
10 ora alina: Autriche vs Turquie
French