Kamiaobe iray no niala lalana ny vodiny ka nitondra azy amin’ny ankavanan-dalana tany anaty hantsana tao Ankadilalana, fokontany Andranomaitso, kaominina ambanivohitr’Antaretra, distrikan’Ifanadiana, RN 25 Pk 83+500, afakomaly. Kamiaobe nitondra goudron hanatanterahina ny tetikasam-panjakana avy aty Antananarivo ho any Vangaindrano ity niharan-doza ity. Nahazo fampandrenesana momba ny fisian’io loza io ny zandary manao sakana eo Antaretra. Nidina teny an-toerana ny zandary nanao ny fizahana. Sendra naka sisin-dalana no nifanena tamin’ny fiarabe iray hiakatra aty an-dRenivohitra. Teo amin’ny fiolahana no nisehoan’ny loza. Avotra ireo olona tao anaty fiara. Tsy nisy naratra na aina nafoy saingy nahitana fahasimbana goavana ilay kamiaobe. Mitohy ny fanadihadiana ataon’ny zandary.
J.C
French