Tanjon’ny fanjakana ny hisarihana mpizahatany 1 tapitrisa amin’ny taona 2028, raha 350 000 ny taona 2023 teo. Nambaran-dRamakavelo Faly, mpahay toekarena sady mpandraharaha, fa « azo tratrarina tsara io tanjona io, satria mbola malalaka ny tsena ho antsika eto Madagasikara amin’ny fizahantany. Raha raisina ohatra ny atsy Maorisy, tsy misy afa-tsy 1 tapitrisa mahery ny isan’ny mponina, nefa manodidina ny 1,5 tapitrisa ny mpizahatany mitsidika any isan-taona. Eto Madagasikara, manodidina ny 30 tapitrisa ny mponina, nefa 350 000 isan-taona monja ny mpitsidika».
Nomarihiny fa tombondahin’i Madagasikara ny fizahantany ara- tontolo iainana, satria manan-karena amin’ny tontolo mananaina, izay tsy fahita raha tsy eto amintsika ny 5% miohatra amin’ny misy maneran-tany. Nohazavainy fa « nisy mpandraharaha ara-pizahantany any Sina, nilaza tamiko, fa azo atao tsara ny mandefa sinoa mpizahatany 1 tapitrisa aty Madagasikara».
Nohamafisiny fa mila ampiroboroboina ity sehatra ity, izay mifampiankina amin’ny sehatra maro. Anisan’izany ny fampitomboana ny zotra ana habakabaka mankany amin’ny faritra, fa tsy ho Antananarivo sy Nosy-Be ihany. Tokony hatao seranam-piaramanidina iraisam-pirenena ny renivohi-paritra be mpitsidika, toa an’i Morondava, Taolagnaro, Toliara, sns.
Njaka A.
French