Naratra mafy notafihin’ny jiolahy ny teratany frantsay sy ny vadiny tao Antseranampasika Salazamay Toamasina, afakomaly. Izy mivady irery no ao an-trano fa tsy misy mpiambina ny tanànan’izy ireo. Notsatohan’ireo jiolahy ny antsy ny sandrin’ilay vazaha. Lasan’ireo mpanafika ny finday avo lenta, ordinatera, vola 5 hetsy Ar ary karatra fampiasa amin’ny banky.
Nentina hopitaly mihitsy ny renim-pianakaviana iray nodaroham-badiny tamin’ny sarom-bilany teny Anosibe Mandrangobato, omaly maraina. Resaka hasarotam-piaro no voalaza fa antony fifamaliana teo amin’izy mivady. Nentin-katezerana rangahy vadiny ka naharay sarom-bilany ka niantefa teny amin’ny loham-badiny.
French