TSELATRA

Naiditra am-ponja ireo lehilahy roa naniratsira mpitandro filaminana teo am-panantontosana ny asany, tao Talata Volonondry, afakomaly. Mitonona ho mahafantatra mpitsara ambony izy roa lahy ireo ka notevatevainy ny zandary. Nosamborina izy roa lahy ka voatazona vonjimaika any am-ponja.
Voasambotry ny zandary tao Ankadivory, fokontany Ambohimamory, kaominina Andranonahoatra, ny mpanendaka iray, afakomaly. Nanao ny asa ratsiny io olon-dratsy io ny alin’ny sabotsy 6 jolay teo, tamin’ny 11 ora. Nitory ny lasibatra ka nikaroka ny mpitandro filaminana.
Fiara nitondra mpianatra hanao “voyage d’études” nidona tamin’ny kamiao tany amin’ny RN2, teo Ambatolaona, afakomaly. Tsy nisy naratra saingy simba tanteraka ny lohan’ilay taksibrosy nifanitsy amin’ny toeran’ny mpamily.