TSELATRA

Lehilahy iray maty tsy tra-drano niharan’ny lozam-pifamoivoizana teny Soavinimerina Avaradrano, omaly. Tafiditra tao ambany kodiarana havian’ny kamiao izy ka potika tanteraka ny moto nentiny.
Naiditra am-balam-pamonjana avokoa ny omby 42 tsy nahitana taratasy ara-dalàna tao amin’ny raim-pianakaviana iray ao Beraketa, distrikan’i Bekily, omaly. Nosavaina ny antontan-taratasin’omby ka hosoka avokoa ny ankamaroany.
Notanana vonjimaika any am-ponja ny tompon’antoka tamin’ny fandorana trano tao Maromena, kaominina Imerintsiatosika, ny talata 9 jolay teo. Kila avokoa ny entana rehetra tao amin’io trano niniana nodorana io. Nanana disadisa tamin’ny lasibatra ny olona nanakarama io mpandoro ny trano io.