Hotanterahina ny 28 jolay hatramin’ny 6 aogositra ho avy izao ny dingana voalohan’ny fifaninanam-pirenena diviziona faharoa, “World Cola Ligue des Champions D2 National”. Hatao ny 23 aogositra – 1 septembre, ny dingana faharoa ary ny 25, 27, 29 septambra ny farany na ny “Poule des AS”.
Ho fiatrehana ny fifaninanana iraisam-pirenena “WXV 3”, izay hatao any Dubaï, ny volana septambra ho avy izao, manatanteraka fanazarantena manomboka anio ny XV Makis Ladies de Madagascar. Tsara marihina moa fa hihaona amin’izy ireo voalohany amin’ity fifanintsanana ity, any an-toerana, i Espagne.
Lasan’i Uruguay ny laharana fahatelon’ny fiadiana ny ho tompondakan’i Amerika, “Copa America”, izay tanterahina any Etazonia. Lavon’ny mpilalao Urugais tamin’ny fandakana “tir au buts”, 4 no ho 3, i Canada, rehefa nisaraka ady sahala 2 no ho 2, nandritra ny fe-potoana ara-dalàna. Tsara marihina fa miatrika ny famaranana, anio, kosa i Argentine sy i Colombie.
French