TSELATRA

Vehivavy iray hita faty natsingevan’ny rano teny Ikopa, afakomaly. Niboridana tanteraka izy, araka ny hita teny an-toerana. Nahitana ratra teo amin’ny lohany. Ahina ho novonoina izy io ka natsipy teny Ampamantanana ary nentin’ny rano. Mipetraka eny Ankazolava izy, raha ny fantatra. Tonga teny an-toerana ny polisy nanao fanadihadiana.
Hapetraka ao amin’ny fasan-drazany ao amin’ny fokontany Ivoainana, kaominina ambanivohitr’i Sahamadio, anio, ny nofo mangatsiakan’ny jeneraly Rasolosoa Dolin. Tonga omaly tao amin’ny distrikan’i Fandriana ny razana. Nisy ny fitsenana azy nataon’ireo manam-pahefana ao an-toerana.