Ny talenta samy manana. Niezaka nanasongadina ny azy ny mpanakanto ka naka tsy satry ny toeran’ny mpanabe. Io antony lehibe io no mitaky fitandremana fatratra ho azy ireo (mpanakanto). Tsy tokony hijanona eo amin’ny endrika ivelany fotsiny ny fiverenana eny an-doharano fa mila manasongadina ny fototra izy ireo. Mila maneho ny mampiavaka ny kolontsaina malagasy, ny soatoavina malagasy, ny hasina maha Malagasy, ny fahendrena malagasy, sns.
Mpikabary, mikabary fa tsy manao tsianjery. Ny mpanao sary sokitra, maneho ny hasin’ny soatoavina malagasy. Ny mifanohitra amin’izay, mbola kanto ve ? Ny mpamoronkira na mpanoratra, manasongadina ny fahendrena sy fahalalana ananan’ny Malagasy, sns. Ohatra ihany ireo.
Hatramin’izao, anefa, sahirana amin’ny fanehoana ireo ny mpanakanto noho ny antony maro. Anisan’ireny ny zava-misy amin’izao vanim-potoana izao. Iray amin’ireny ny fotom-pisainana. Tsy manasongadina hasina fa mikatsaka laza. Tsy manandratra ny an’ny tena fa tia misonenika amin’ny an’ny hafa, sns. Mbola mila fanarenana goavana !
HaRy Razafindrakoto
French