“Rehefa miresaka lehiben’ ny andrimpanjakana, tokony hipetraka hatrany ny fifandanjam-paritra.” Io ny fanehoan-kevitry ny sekretera jeneralin’ ny antoko Fiombonana, Retogniane Durlin. Efatra ny lehiben’ ny andrimpanjakana : ny roa avy eto Antananarivo, ny roa avy any avaratra. Hadino tanteraka ny any atsimo. Raha hanome tsiny ny antoko momba ny nanendrena indray ny Praiminisitra, ny depiote no tokony hianjeran’izay. Be dia be ny olona mahafeno ny masontsivana nolazain’ny filohan’ny Repoblika hoe tsy maintsy olona mahafehy ny diplaomasia. Ny tsilian-tsofina sy siosion-dresaka, misy anarana olona telo no natolotra ny filohan’ny Repoblika. Nitranga talohan’ny fanendrena Praiminisitra ny fifidianana ny filohan’ny Antenimierampirenena. Ny dikan’izay: mety tao anatin’ny olona natolotry ny depiote ilay anaran’olona avy any atsimo. Misy ny anaram-behivavy nantenain’ny maro ho Praiminisitra, rehefa tsy azony ny toeran’ny filohan’ny Antenimierampirenena. Nandeha be izay resaka izay.
R. Nd.
French