Latsaka an-drano tao ambany tetezan’Ambohitrimanjaka ny lehilahy iray, omaly maraina. Olona teny an-toerana no nahita azy nianjera tao ambany tetezana ka nampiantso ny sampana mpamonjy voina avy hatrany. Fotoana fohy taorian’ izay, tonga nanao ny asam-pamonjena tamin’ny alalan’ny fikarohana ilay niharam-boina ny mpamonjy voina. Nanao izay ho afany tamin’ny fikarohana ny mpamonjy voina. Somary nanano sarotra ny fikarohana ka nampiasana ny fitaovana rehetra mifanaraka amin’ny fikarohana ireo olona maty an-drano. Efa tamin’ny 11 ora atoandro vao hita ity lehilahy ity efa tsy misy aina intsony. Tsy mbola fantatra mazava hatramin’ izao izay antony nampilatsaka azy tao anaty rano. Matetika ahitana olona maty an-drano amin’iny faritra iny. Tsy misy afa-tsy ny fitandremana ihany fa tampoka ny fiavian’ny loza.
J.C
French