Taxi-be iray nifatratra tamin’ny fiara tsy mataho-dalana teny Tsiadana,omaly. Tapaka hisatra io fiara io ka niezaka nifehy ny familiana ny mpamily. Nikasa handona ny fiara tamin’ny andrin-jiro ny nitondra io taxi-be io saingy nifatratra tamin’ilay fiara 4×4.
Lavon’ny balan’ny zandarimaria ny jiolahy nikononkonona fanafihana mitam-piadiana tao amin’ny kaominina Imerimandroso, ny 18 jolay teo. Efa nampitaraina ny mponina ny fisian’ny asan-jiolahy teny amin’io toerana io ka niandry kendry tohina ny mpitandro filaminana.
Namoy ny ainy avokoa ireo olona roa tao anatin’ny fiara niharan-doza teny Fenoarivo anatin’ny RN1, ny alin’ny zoma 19 jolay teo. Niharan’ny lozam-piafamoivoizana ny fiara nentin’izy ireo. Nipitika nivoaka ny fiara ireo olona roa tao anatin’ny fiara ka nitarika ny famoizana aina.
French