Notanana vonjimaika any am-ponja ny renim-pianakaviana iray namono nahafaty ny zanany vao 2 taona monja, tao Mampikony, omaly. Nisaraka tamin’ny rain-janany io ramatoa io ny volana mey lasa teo. Taizan’aretina anefa ilay zaza ka tsy afa-nitsangana. Manoloana io fahasembanan-janany io, nitsiry ny hevi-
dratsin’ilay ramatoa reniny. Novonoina tamin’ny fomba feno habibiana ilay zaza tsy manan-tsiny. Nafatratra tao anaty gony ary nofatorana. Tsy nandeha lavitra, nasitriny tao anatin’ny lavadrano akaikin’ny trano fonenan’izy ireo ihany io zanany io. Andro vitsy taorian’io, nahare fofona hafahafa ny mponina manodidina. Nosavaina tao anatin’ilay lavaka . Hitan’ny fokonolona ny fatin-jaza efa simba. Nokarohina nanomboka teo ny nahavanon-doza. Nitsoaka ny trano fonenany rahateo ny renin’io zaza io. Nanao fikarohana ny polisim-pirenena miasa ao Mampikony. Vokany, voasambotra ilay ramatoa, ny 19 jolay teo.
Niaiky heloka io renin’ilay zaza io. Natolotra ny fampanoavana izy taorian’ ny fanadihadiana.
Tsiferana R.
French