TSELATRA

Sarintsarina fakana an-keriny no nataon’ilay raim-pianakaviana iray nilaza ho tsy hita tao amin’ny distrikan’Anjozorobe, ny herinandro lasa teo. Nananan’ny banky vola izy ka tokony hamerina izany. Nitady hevitra io lehilahy io ka nandefasany hafatra miafina tamin’ny finday ny havany fa nisy naka an-keriny izy. Nody moramora ity farany rehefa tsy nahomby ny teti-dratsiny.
Voasambotry ny fokonolona ka niharan’ny
daroka sy vono ny mpanao sinto-mahery naka telefaonina an’ny mpandalo iray tao Ambolomadinika, Toamasina, afakomaly. Nifanenjehan’ilay ramatoa lasibatra sy ny mponina manodidina io tontakely io ka tratra.
Tratra nampiasa finday, omaly maraina, ny
tovolahy iray mpiadina bakalorea tao Brickaville. Hita tao ny kaonty iray mitondra anarana hoe “Bacc en poche” izay efa nisy valin’ny laza adina taranja filozofia. Tsy afa-nanohy ny laza adina intsony satria navoaka ny efitrano fanadinana ka nanokafana fanadihadiana teny amin’ny zandary.