Namoy ny ainy irery teny an-dalana ny lehilahy iray 30 taona tao Andranovory, fokontany Tsarahasina, kaominina Ambositra, omaly. Manana aretina mitaiza izy, araka ny nambaran’ny fianakaviany. Misy fotoana miseho tampoka, araka izany, io trangan’aretina io. Nianjera tsy nahy tamin’ny sisin-dalana vokatr’izany io lehilahy io. Tsy nahatsiaro tena intsony taorian’izay. Ny mpandalo no nahatsikaritra azy. Niantso ny fianakaviany sy ny mponina manodidina. Nidina ifotony nanao fizahana ny vatana mangatsiakan’io olona nitsirara tamin’ny tany io ny mpitsabo natrehin’ny mpitandro filaminana. Maty vokatr’io fianjerany sy ny aretina nitaiza azy io ilay lehilahy. Nentin’ny fianakaviany ny nofo mangatsiakan’ity farany taorian’ny fanadihadiana.
Tsiferana R.
French