Tratran’ny zandarimaria ny tovolahy iray nangalatra vola vidina kisoa nitetina an-tapitrisany tao Isaingy, kaominina Ampanefy, afakomaly. Niasa tao amin’ny mpampiasa anatin’io kaominina io izy. Nahalafo kisoa izay ompiany ao an-tanàna ny mpampiasa ka nanomboka hafahafa ity tovolahy ity, ny 13 jolay teo. Norobainy tokoa ny vola vidin’ny kisoa. Nandositra izy ka nanararaotra nividy fitaovana toy ny radio carte sy borety. Nametraka fitoriana momba io tranga io ny tompom-bola. Nokarohina ny nahavanon-doza. Naharay loharanom-baovao rahateo ny zandary mahakasika ny olona voarohirohy. Nosamborina, vola valo hetsy Ar mahery sisa tra-tehaka teny amin’io mpiasa io. Nanaovany fiainana avokoa ny sisa, araka ny fanazavany tamin’ny zandary nanao famotorana. Natolotra ny fampanoavana ity farany taorian’izay. Notanana vonjimaika am-ponja izy.
Tsiferana R.
French