Nitrangana haintrano namoizana ain’olona tao Andranomaimbo Antsirabe, afakomaly alina. Trano maromaro indray kila hotohoton’ny afo. Niainga tao amina tokantrano iray mpivarotra zava-pisotro misy alikaola ny afo ka niitatra tamin’ireo trano teo amin’ny manodidina. Vokany, namoy ny ainy ny zazakely iray vao teraka herinandro, ankizy 4 sy 8 taona ary renim-pianakaviana iray. Somary nananosarotra ny asam-pamonjena nataon’ny mpamonjy voina. Maro koa ireo trano hazo teny an-toerana izay isan’ny niteraka fahasahiranana tamin’ny fifehezana ny afo.
Trano lehibe iray misy rihana koa no nirehitra teny amin’ny cité 3 logement 2 Manakambahiny, omaly tamin’ny 9 ora sy 45 mn maraina. Tonga teny an-toerana ny mpamonjy voina fotoana fohy taorian’ny firehetana. Naharitra 20 mn ny famonoana ny afo, araka ny tatitra nampitain’ny mpamonjy voina. Olona iray naratra saingy tsy nisy kosa ny aina nafoy.
J.C
French