FANTINA sy FINTINA

Nigadona omaly maraina any Paris, Frantsa, ny filohan’ny Repoblika, Rajoelina Andry. Hisy fihaonana manokana eo aminy sy ny filoha frantsay, Emma­nuel Macron, ao amin’ny Lapam-panjakana Elysée, anio hariva. Aorian’izay, hanatrika ireo lanonam-panokafana ny lalao olympika 2024 izay nanasana filoham-pirenena maro izy.
Nankatoavin’ny filankevitry ny minisitra teny Iavoloha, afakomaly, ny handraisan’i Madagasiikara anjara amin’ny fihaonana an-tampon’ny faha-44 an’ireo mpitondra fanjakana sy governemanta eo anivon’ny Sadc ny 17 aogositra ho avy izao. Eo koa Fivoriambe faha-79 ny Firenena mikambana (ONU) any New York, Etazonia, ny 24-30 septambra ho avy izao.
Hanao fitsidihana ara-panjakana any Guinéé-Bissau ny filohan’ny Repoblika, Rajoelina Andry, amin’ny 29 sy 30 jolay ho avy izao, ary any Angola amin’ny 31 jolay sy ny 1 aogositra ho avy izao, araka ny fampitana am-bava izay nankatoavin’ny filankevitry ny minisitra teny Iavoloha, afakomaly. Tanjona amin’ny fitsidihana ny ha­natsarana ny fifandraisana amin’ireo firenena ireo.
Mpianatra ho mpitsara 20 avy amin’ny sampana ady atao amin’ny fanjakana, ENMG, no miofana eny amin’ny Antenimierandoholona, Anosikely, ny 22-26 jolay. Nampahafantarina azy ireo tamin’izany, ohatra, ny asa aman’andraikitry ny Antenimierandoholona. Eo koa ny fifandraisany amin’ny andrimpanjakana hafa, ny amin’ny fifanolanana amin’ny fanjakana.