TSELATRA

Ankizivavy mpianatra niharan’ny fanendahana tao anaty taxibe teny Antohomadinika, afakomaly atoandro tamin’ny 1 ora. Tsy afa-nihetsika, norahonan’ny lehilahy iray nanao fanamiana mihaja teo akaikiny izy. Raiki-tahotra, lasa avokoa ny zava-tsarobidy teny amin’ilay mpianatra.
Olona enina voasambotra vokatry ny fanaovana hosoka nandritra ny fanadinana Bakalorea tao amin’ny CEG Andranonahotra, afakomaly. Mpampianatra no manao ny valin’ny laza adina ka averiny amin’ny mpianatra.
Nanome toromarika ireo mpitondra moto sy nampahafantatra ny lalàna mifehy ny fifamoivoizana ny polisin’ny BAC sy ny CSP5 teny Anosy, afakomaly. Tontosa noho ny fiaraha-miasa eo anivon’ny vondron’ny mpitondra moto sy ny polisy ary ny DGSR izany.