Taorian’ny fankalazana ny Alahamadibe, hiroso amin’ny fanamarihana ny «Alahasatibe 2024» ny vondrona «Tsy mamorona fa mamelo-maso ». Ny 4 aogositra hatramin’ ny 09 Aogositra no hanatanterahana izany any Ankaratra. Alahasatibe na «Andron’ody», manana fototra ho fanovozan-kery avy amin’ny hazo sy ny rano mba ho masim-bava miteny sy hahamasin-tana-mandray.
«Ankaratra no nofidina hanatanterahana ny fankalazana ny ivon’ny «Alahasatibe 2024» noho izy manan-kasina», hoy Rakotoarimanga Olivier, mpikambana sy mpandrindra eo anivon’ny Vondrona «Tsy mamorona fa mamelo-maso». Fandaharam-potoana eny an-toerana ny «lamalama» (fiantsoana ireo fanahy), fidiovana amin’ny ranon’ Ankaratra sy eny amin’ny farihy mamanala. Fanasinana amin’ny toerana maromaro ao anatin’ny Vohitr’Ankaratra. Fanatanterahana ny «Joro Alahasaty» amin’ny alalan’ny famonoana omby ny alarobia 7 Aogositra, eny Anosiarivo, ivon’Ankaratra. Fantatra fa any amin’ny volana desambra no hankalaza ny «Alakaosibe ny vondrona «Tsy mamorona fa mamelo-maso».
Nangonin’i HaRy Razafindrakoto
French