Tontosa omaly, teny amin’ ny Hotel Panorama Andrainarivo, ny tatitry ny atrikasa mahakasika ny fitilina ireo ambana kolikoly mandritra ny fizotran’ny fiarovana fananan-tany, nokarakarain’ny Transparency International- Initiative Madagascar (TI- IM). Anisan’ireo izay niatrika izany ny Tahirim-pirenena momba ny fananan-tany, niaraka tamin’ny solontenan’ny fitaleavana momba ny fandrefesan-tany. Ireto farany, izay nisolo tena ny minisiteran’ny Fitsinjaram-pahefana sy ny fanajariana ny tany (MFFT). Notanisaina nandritra ny tatitra ireo olana hita eny anivon’ny fananan-tany, hita nandritra ny fanadihadiana natao. Nisy ny fanolorana vahaolana entina manatsara ny ady amin’ny kolikoly eny anivon’ity sampandraharaha ity.
Lesoka miisa 20
Araka ny vokatry ny fanadihadiana. Nahitana lesoka miisa 20 amin’ny fomba fahazoana titra momba ny fananan-tany sy fanamarinan-tany. Miisa 13 ho an’ny fananan-tany manokana ary ny 7 momba ny taratasy fanamarinana ny fananan-tany. Miteraka ambana 24 amin’ny kolikoly izany. Vahaolana naroson’ny MFFT manoloana izany, ny fananganana sampan-draharahan’ny fitondrana tsara tantana sy miady amin’ny kolikoly, eo anivon’ny minisitera. Manaraka izany, ny soso-kevitra amin’ny rijatenin-dalana 2008-014 mifandraika amin’ny sehatra tsy miankina amin’ny fanjakana. Eo ihany koa ny fampanarahan-dalàna sy ny fanaraha-maso ny taratasy fanamarinana ny fananan-tany mialoha ny hanolorana azy. Anisan’ny vahaolana ny fanamorana ny dingana arahina amin’ny fikarakarana ny taratasy samihafa.
Lin
French