Efa nanolo-kevitra momba izany ny eo anivon’ny Ceni ka tokony hanomboka ny 12 hatramin’ny 26 aogositra ny fametrahana ny dosie ho an’ireo kandidà. Hivoaka ny 5 septambra ny lisitr’ireo voatana ho mpifaninana ho ben’ny Tanàna sy ny mpanolontsain’ny Tanàna. Hanomboka ny 12 septambra hatramin’ny 12 oktobra ny famoahana ny lisitr’ireo toerana ahitana ny birao fandatsaham-bato. Manomboka ny 29 novambra hatramin’ny 10 desambra ny fampielezan-kevitra ary hotanterahina ny alarobia 11 desambra kosa ny fifidianana.
Hanomboka amin’ny andron’ny Noely, 25 desambra hatramin’ny 23 janoary 2025 ny famoahana ny voka-pifidianana isaky ny “Tribunal admnistratif”.
20 tapitrisa Ar ny anto-bola
Tsiahivina fa anisan’ny tolokevitry ny Ceni koa ny momba ny anto-bola ka mitentina 20 tapitrisa Ar izany ho an’ ny kaominina lehibe, tahaka an’Antananarivo Renivohitra. 10 tapitrisa Ar izany ho an’ireo kaominina an-tanàn-dehibe, sokajy voalohany. Midina hatrany izany ho an’ny kaominina ambanivohitra ka mitentina iray tapitrisa Ar mahery.
Na izany aza, ho tompon’ ny teny farany amin’ireo tolokevitry ny Ceni ireo ny eo anivon’ny governemanta, amin’ ny fankatoavana ny tetiandro sy ny momba ny anto-bola.
Synèse R.
French