Olon’ny fahalalana ny Malagasy. Hiditra ao anatin’ny dingana fahatelo ny fiofanana momba izany omen’ireo zoky sy raiamandreny, nianatra sy nandalina ary niaina ny fomba amam-panao malagasy. Ho voaboasan’izy ireo amin’izany ny lohahevitra : « Ny valiha sy ny fanahy ao aminy ». Na tsy mbola nofaritan’ny tomponandraikitra aza ny fotoana hanatanterahina ny fiofanana, nambarany kosa fa amin’ity volana aogositra ity no hanaovana izany eto Antananarivo.
Raha ny fanazavan’ Ikaky Valiha, tsy natokana ho an’ny mpitendry valiha irery akory ity fiofanana ity fa natao ho an’ny rehetra. Nosinganiny tao anatin’ izany ny mpampianatra teny malagasy, ny mpandalina ny zavapanahy, ireo mianatra momba fomba amam-panao malagasy, ny te ahafantatra ny fototra.
Tsiahivina fa anisan’ny nahaliana olona maro ny andiany roa teo aloha tamin’ity hetsika karakarain’ny fikambanana Manasoa ity. Tanjona tratrarin’izy ireo rahateo ny hampahafantatra ny hasina ananan’ny kolontsaina malagasy.
HaRy Razafindrakoto
French