Natolotra ny 1 aogositra 2024 teo, ny fitaovam-pamokarana ho an’ny mpiompy, ny mpamboly, mitotaly 351 any amin’ny distrika Bealanana, faritra Sofia. Nisitraka izany ny fikambanana tantsaha miisa 14 any amin’ny kaominina miisa 8 (Bealanana, Antsamaka, Ambatoriaha Atsinanana, Ambatosia, Beandrarezona, Mangidirano, Marotaolana ary Ambararatabe Avaratra).
Ho an’ny fiompiana, miisa 13 ny fampikotrehana atody (couveuse), milina fitotoana (broyeur) 6, vata fampangatsiahana 9, fefy vy 2 409 m, vatakely mitazona hatsiaka (glaçière) 66, fitaovana fanamboarana tranon’akoho 1 fft, tavy fihinan’ny akoho 246, tavy fisotroana rano 314, broety vy 54, jiron’akoho 21, reniakoho sy lahy 6 425, sakafon’akoho 11 330 kgs, «pulverisateurs» 44 ary vaksiny 750 tavoahangikely.
Mahakasika ny fambolena, iray ny «motoculteur», «dépailler» 1, «motopompe» 6, sarety 2, hersa 5, fihavana 10, zezika «urée» 800 kg, NPK 300 isa.
Tamin’ny alalan’ny tetikasa Fandroso, ao anatin’ny Tahirimbola fampandrosoana ny famokarana (FDA), eo ambany fiahian’ny minisiteran’ny Fambolena sy ny fiompiana (Minae) no nahafahana nanatanteraka izao tohana izao. Mamatsy vola ny tetikasa Rindra ao anatin’ny Vondrona eoropeanina (UE). Anisan’ny kendren’ny tetikasa Fandroso manokana ny tantsaha tanora sy ny vehivavy mpamokatra.
Njaka A.
French