Sady mpampirafy no mpamono olona! Nosamborin’ny zandary ny lehilahy iray nanakenda ny vadiny tamin’ny lambahoany. Niray tsikombakomba tamin-drangahy ny vadikeliny.
Voasambotry ny zandary ny faran’ny herinandro lasa teo ny raim-pianakaviana iray, tany Miantsoarivo, distrikan’Arivonimamo. Voampanga ho namono nahafaty ny vadiny izy sy ny vadikeliny. « Efa niaiky ny helony izy ireo. Hatolotra ny fampanoavana », hoy ny fampitam-baovao avy amin’ny mpitandro filaminana. Marihina fa ny 30 jolay lasa teo no nahitana farany an’ilay renim-pianakaviana. Nilaza ny reniny izy fa hamonjy ny rain-janany, haka vola 20 000 Ar ho fanampiana azy mianaka. Vao tera-bao, fito volana ilay lasibatra saingy narian-drangahy. Nisafidy ny nanangana tokantrano tamin’ny vadikeliny ity farany.
« Tany no nitsiry ny hevitra ho azy roa. Nisafidy ny handatsaka ny ain-dramatoa ireto mpisakaiza. Izany no nataon’
izy ireo dia ny fikasana ny hiaina am-pilaminana ny
fiarahan’izy roa mipetraka », hoy hatrany ny fanazavana azo nandritra ny angom-baovao.
« Nofitahina izy, natao izay naharoboka azy hanatona azy roa. Rehefa tonga tany amin’ny fotoana nifanomezana anefa dia olona efa vonona ny hamono no niandry azy. Nokendaina tamin’ny lambahoany ity tovovavy vao 23 taona ity. Nandrasana ny fodiany tany amin’ny reniny sy ilay zaza menavava saingy vatana mangatsiaka sisa hitan’ny fianakaviany », hoy ny fampitam-baovao avy amin’ny mpanao famotorana. Andrasana ny didy avy amin’ny fampanoavana!
Tsiferana R.
French